Fyrirtækið

Gróðrarstöðin Sólskógar var stofnuð árið 1989.  Stofnendur og eigendur eru hjónin Gísli Guðmundsson og Katrín Ásgrímsdóttir.  Gróðrarstöðin var upphaflega byggð upp í Lönguhlíð á Völlum, Fljótsdalshéraði en var flutt á árunum 1993-1995 og stofnuð sem nýbýli að Kaldá á Völlum.

Upphaflega voru fyrst og fremst ræktaðar trjáplöntur í garða en upp úr 1993 var einnig farið að rækta sumarblóm.  Árið 2004 var farið að byggja upp aðstöðu fyrir skógarplöntuframleiðslu.  Straumhvörf urðu síðan í rekstrinum þegar Sólskógar keyptu gróðrarstöðina í Kjarnaskógi á Akureyri árið 2007, en þar hefur verið rekin gróðrarstöð síðan árið 1947.  Rekstri á Fljótsdalshéraði var hætt árið 2015

Nú starfa 6 fastráðnir starfsmenn hjá fyrirtækinu en á sumrin starfa starfa alls um 20 manns   Alls eru um 4000 m² gróðurhúsapláss auk útiræktunarsvæða.

Fyrirtækið er með plöntusölu á sumrin og einnig jólatráasölu í desember.   Einnig framleiða Sólskógar skógarplöntur og sérhæfa sig á því sviði